Qazaqstan Prezidenti Qasım-Jomart Toqaev 30 qazanda Türkiyanıñ Ankara qalasında ötken Türki memleketteri wyımınıñ 13-sammitine qatıstı. Biılğı jiın "Türki ğasırı: tilimiz de, oyımız da, isimiz de - bir" taqırıbına arnaldı. Sammit barısında Memleket basşısı türki elderi arasındağı ıntımaqtastıqtı odan äri nığaytu, sauda-ekonomikalıq baylanıstardı keñeytu jäne ortaq mädeni mwranı saqtau mäselelerine toqtaldı. Prezidenttiñ aytuınşa, biıl Qazaqstannıñ Türki memleketteri wyımına müşe eldermen özara sauda aynalımı 10 milliard dollarğa juıqtağan. Bwl ötken jılmen salıstırğanda 40 payızğa joğarı. Osı körsetkişti saqtap, ekonomikalıq ıqpaldastıqtı tereñdetu üşin Wyımnıñ 2027–2031 jıldarğa arnalğan strategiyasın qabıldaudı jedeldetu qajettigin atap ötti. Sonımen qatar Qasım-Jomart Toqaev "Türki memleketteri wyımı +" formatın damıtudıñ mañızın atap, Reseydi osı formatqa qosıluğa nemese Wyımğa baqılauşı märtebesinde qatısuğa şaqırudı wsındı. Jiında kölik-logistika, cifrlandıru jäne jasandı intellekt salalarındağı seriktestikke de basımdıq berildi. Memleket basşısı Qazaqstannıñ osı bağıttardağı täjiribesin bauırlas eldermen bölisuge dayın ekenin jetkizdi. Sonday-aq Kiberqauipsizdik keñesin, cifrlıq monitoring jäne innovaciyalar ortalıqtarın qwru bastamaların iske asırudı jedeldetu qajettigin ayttı. Bwdan bölek, Prezident türki halıqtarınıñ tarihi-mädeni mwrasın saqtau men däripteu mäselelerine nazar audardı. Osı bağıtta Türki örkenietiniñ mwrasın qorğau jönindegi konvenciyanı qabıldau jwmısın jandandırudı wsındı. Sonday-aq 2027 jılı Türkistan qalasında Qoja Ahmet YAsaui atındağı halıqaralıq forum men muzey isi mamandarınıñ kezdesuin ötkizu josparlanıp otırğanın jetkizdi. Memleket basşısı Wyımnıñ institucionaldıq qwrılımın jetildiru qajettigin de atap ötti. Onıñ pikirinşe, birlesken jwmıstıñ basım bağıttarın naqtılap, Türki memleketteri wyımı janınan Twraqtı ökilder keñesin qwru mañızdı. Sonımen birge Qazaqstannıñ Wyımdı äskeri al'yansqa aynaldırudı qoldamaytının tağı da mälimdedi. Sammit qorıtındısı boyınşa Ankara deklaraciyası qabıldandı. Bwğan deyin Wyımğa törağalıq etken Äzerbayjannıñ ornına bwl mindet Türkiyağa ötti. Jiınğa Türkiya Prezidenti Rejep Tayip Erdoğan, Qırğızstan Prezidenti Sadır Japarov, Özbekstan Prezidenti Şavkat Mirzieev, Türikmenstan Prezidenti Serdar Berdimwhamedov jäne basqa da resmi twlğalar qatıstı.