سولتۇستىك كورەيا تاكتيكالىق بالليستيكالىق زىمىراندارعا ورناتۋعا ارنالعان كاسسەتالىق وقتۇمسىقتىڭ جاڭا تۇرىن سىناقتان وتكىزدى. ەلدىڭ مەملەكەتتىك اقپارات قۇرالدارىنىڭ حابارلاۋىنشا, قارۋ 12-13 گەكتار اۋماقتى زاقىمداۋعا قابىلەتتى. كورەي ورتالىق تەلەگراف اگەنتتىگىنىڭ (KCNA) مالىمەتىنشە, سىناق 31 قازاندا سولتۇستىك كورەيانىڭ زىمىران باسقارماسىنا قاراستى عىلىمي-زەرتتەۋ ينستيتۋتتارىنىڭ قاتىسۋىمەن وتكىزىلگەن. ونىڭ نەگىزگى ماقساتى جاڭا وقتۇمسىقتىڭ جاۋىنگەرلىك جاعدايدا قولدانىلۋ مۇمكىندىگى مەن جويقىن كۇشىن باعالاۋ بولعان. سولتۇستىك كورەيانىڭ رەسمي مالىمدەمەسىندە Standard Type-2 ۇلگىسىندەگى كاسسەتالىق وقتۇمسىقتىڭ جوعارى تىعىزدىقتاعى سوققى كەزىندە 12-13 گەكتار اۋماقتى جويۋعا قابىلەتتى ەكەنى ايتىلعان. الايدا بۇل كورسەتكىشتەردى تاۋەلسىز تاراپتار ازىرگە راستاعان جوق. سونداي-اق ەلدىڭ زىمىران باسقارماسى وكىلى كاسسەتالىق وقتۇمسىقتاردىڭ ماقساتى مەن قولدانىلۋ ەرەكشەلىكتەرىنە قاراي تورت تۇرگە بولىنەتىنىن مالىمدەگەن. پحەنьياننىڭ جوسپارىنا سايكەس, 2026 جىلدىڭ سوڭىنا دەيىن ولاردىڭ بارلىق تۇرىن اسكەري بولىمشەلەردىڭ قولدانىسىنا بەرۋ كوزدەلىپ وتىر. ايتا كەتەيىك, سوڭعى اپتالاردا سولتۇستىك كورەيا بىرقاتار زىمىران سىناقتارىن وتكىزىپ, اسكەري الەۋەتىن كورسەتۋگە باعىتتالعان شارالارىن جيىلەتتى. اتاپ ايتقاندا, 29 قازاندا ەلدىڭ شىعىس جاعالاۋىنان تەڭىزگە قاراي شامامەن 10 بالليستيكالىق زىمىران ۇشىرىلعان. ساراپشىلاردىڭ پىكىرىنشە, مۇنداي سىناقتار سولتۇستىك كورەيانىڭ قارۋلى كۇشتەرىن جاڭعىرتۋ جانە زىمىراندىق مۇمكىندىكتەرىن دامىتۋ ستراتەگيياسىنىڭ بىر بولىگى بولۋى مۇمكىن.