Soltüstik Koreya taktikalıq ballistikalıq zımırandarğa ornatuğa arnalğan kassetalıq oqtwmsıqtıñ jaña türin sınaqtan ötkizdi. Eldiñ memlekettik aqparat qwraldarınıñ habarlauınşa, qaru 12-13 gektar aumaqtı zaqımdauğa qabiletti. Korey ortalıq telegraf agenttiginiñ (KCNA) mälimetinşe, sınaq 31 qazanda Soltüstik Koreyanıñ Zımıran basqarmasına qarastı ğılımi-zertteu instituttarınıñ qatısuımen ötkizilgen. Onıñ negizgi maqsatı jaña oqtwmsıqtıñ jauıngerlik jağdayda qoldanılu mümkindigi men joyqın küşin bağalau bolğan. Soltüstik Koreyanıñ resmi mälimdemesinde Standard Type-2 ülgisindegi kassetalıq oqtwmsıqtıñ joğarı tığızdıqtağı soqqı kezinde 12-13 gektar aumaqtı joyuğa qabiletti ekeni aytılğan. Alayda bwl körsetkişterdi täuelsiz taraptar äzirge rastağan joq. Sonday-aq eldiñ Zımıran basqarması ökili kassetalıq oqtwmsıqtardıñ maqsatı men qoldanılu erekşelikterine qaray tört türge bölinetinin mälimdegen. Phen'yannıñ josparına säykes, 2026 jıldıñ soñına deyin olardıñ barlıq türin äskeri bölimşelerdiñ qoldanısına beru közdelip otır. Ayta keteyik, soñğı aptalarda Soltüstik Koreya birqatar zımıran sınaqtarın ötkizip, äskeri äleuetin körsetuge bağıttalğan şaraların jiiletti. Atap aytqanda, 29 qazanda eldiñ şığıs jağalauınan teñizge qaray şamamen 10 ballistikalıq zımıran wşırılğan. Sarapşılardıñ pikirinşe, mwnday sınaqtar Soltüstik Koreyanıñ qarulı küşterin jañğırtu jäne zımırandıq mümkindikterin damıtu strategiyasınıñ bir böligi boluı mümkin.