Qazaqstanda 50 jastan asqan azamattardı jwmıspen qamtuğa bağıttalğan "Kümis jas" jobası jalğasıp jatır. 2026 jıldıñ alğaşqı toğız ayında bağdarlama ayasında 10,3 mıñ adam jwmısqa ornalasqan. Bwl turalı QR Eñbek jäne halıqtı äleumettik qorğau ministrligi habarladı.

Jobağa 50 jastan asqan, jwmıs izdep jürgen jäne Mansap ortalığında jwmıssız retinde tirkelgen azamattar qatısa aladı. Bağdarlamanıñ negizgi maqsatı – ağa buın ökilderiniñ eñbek narığına qayta oraluına kömektesu jäne olardı twraqtı jwmıspen qamtamasız etu.

Joba ayasında jwmıs beruşilerge qızmetkerdiñ jalaqısınıñ bir böligin öteu üşin memlekettik subsidiya beriledi. Qoldau merzimi 36 ayğa deyin sozıladı. Subsidiya mölşeri jwmıs kezeñine qaray tömendegidey belgilengen: alğaşqı 12 ayda- jalaqınıñ 70%-ı; 13-24 ay aralığında- 65%-ı; 25-36 ay aralığında- 60%-ı.

Bwl rette memlekettik subsidiya kölemi ayına 30 aylıq eseptik körsetkişten (AEK) aspauğa tiis.

Bağdarlamanıñ mañızdı şarttarınıñ biri- jwmıs beruşiniñ qatısuşını joba ayaqtalğannan keyin de jwmıspen qamtamasız etui. Zeynet jasına jetpegen azamattar üşin twraqtı jwmıs ornı keminde bir jılğa saqtaluı kerek. Al 58 jastan asqan qatısuşılar zeynet jasına jetkenge deyin jwmısın jalğastıra aladı.

Ministrlik mälimetinşe, bağdarlamağa qatısuşılardıñ 54,7%-ın äyelder, al 61%-ın auıl twrğındarı qwraydı. Jwmısqa ornalasqandardıñ basım böligi Türkistan, Qarağandı, Aqtöbe jäne Jambıl oblıstarına tiesili.

Jobağa qatısu üşin azamattar twrğılıqtı jeri boyınşa Mansap ortalığına jüginip, jwmıssız retinde tirkelui qajet. Sonımen qatar, tirkelgen jwmıssızdar Enbek.kz elektrondıq eñbek birjası arqılı qoljetimdi bos jwmıs orındarın tañday aladı.

Ayta keteyik, "Kümis jas" jobası 2022 jıldan beri jüzege asırılıp keledi. Ol täjiribeli mamandardıñ käsibi äleuetin saqtauğa jäne eñbek narığındağı mümkindikterin keñeytuge bağıttalğan.