Qazaqstanda jwmıs izdeuşilerge qoldau körsetudiñ jaña jüyesi engizilip jatır. Eñbek jäne halıqtı äleumettik qorğau ministrligi «Cifrlıq jwmıspen qamtu qızmeti» jobası ayasında azamattardı jwmısqa ornalastıruğa järdemdesudiñ jaña täsilin iske asıruda. Jaña jüyeniñ bastı erekşeligi – jwmıs izdep jürgen azamattardı özderi mansap ortalıqtarına jügingenge deyin anıqtap, olarğa aldın ala kömek wsınu. Bwl turalı ministrliktiñ 13 qaraşadağı resmi habarlamasında aytıldı.

Joba ayasında azamattar Enbek.kz elektrondıq eñbek birjası arqılı jwmıs izdey aladı. Olardıñ kelisimimen bilimi, eñbek ötili men käsibi dağdıları körsetilgen cifrlıq tüyindeme avtomattı türde qalıptastırıladı. Sonımen qatar jasandı intellekt azamattıñ biliktiligine säykes bos jwmıs orındarın iriktep, jeke wsınıstar äzirleydi. Arnayı JI-kömekşi wyalı telefon arqılı jwmıs izdeuşilermen baylanısıp, eñbek jağdayları, bos orındar jäne oqıtu mümkindikteri turalı aqparat beredi. Jaña jüyede mansap ortalıqtarınıñ mamandarına da mañızdı mindet jüktelgen. Olar azamattarğa tüyindeme dayındauğa, jwmıs orındarına ötinim beruge jäne jwmıs beruşilermen baylanıs ornatuğa kömektesedi. Eger adam jwmısqa ornalasa almasa, onıñ sebepteri anıqtalıp, äri qarayğı äreketter josparlanadı.

Joba 2026 jıldıñ şildesinen bastap Pavlodar jäne Mañğıstau oblıstarında jüzege asırılıp keledi. Osı uaqıt aralığında 59,2 mıñ azamatqa jwmıspen qamtu şaraları wyımdastırılıp, 7,5 mıñ adam jwmısqa ornalasqan. Ministrlik 2026 jıldıñ soñına deyin jaña qızmetti Qazaqstannıñ barlıq öñirine kezeñ-kezeñimen engizudi josparlap otır.