قازاقستان پرەزيدەنتى قاسىم-جومارت توقاەۆ 2027 جىلعى الەمدەگى ەڭ ىقپالدى 500 مۇسىلماننىڭ قاتارىنا ەندى. 

مەملەكەت باسشىسىنىڭ ەسىمى The Muslim 500 حالىقارالىق باسىلىمىنىڭ «ساياسات» ساناتىندا كورسەتىلگەن. اتالعان تىزىمدى يوردانييادا ورنالاسقان كورولьدىك يسلام ستراتەگييالىق زەرتتەۋلەر ورتالىعى (RISSC) جىل سايىن جارييالايدى. باسىلىمعا الەمدىك ساياسات, دىن, عىلىم, بيزنەس, مادەنيەت جانە باسقا دا سالالاردا مۇسىلمان قاۋىمىنا ىقپال ەتىپ جۇرگەن تۇلعالار ەنگىزىلەدى.

The Muslim 500 اۆتورلارى قاسىم-جومارت توقاەۆتىڭ ساياسي قىزمەتىنە, اسىرەسە 2022 جىلعى قاڭتار وقيعالارىنان كەيىن باستالعان رەفورمالارىنا نازار اۋدارعان. ونىڭ «جاڭا قازاقستان» باستاماسى, كونستيتۋتسييالىق وزگەرىستەر جانە مەملەكەتتىك باسقارۋ جۇيەسىن جاڭعىرتۋ باعىتىنداعى جۇمىستارى اتاپ وتىلگەن. سونداي-اق باسىلىمدا 2022 جىلعى قاراشادا وتكەن كەزەكتەن تىس پرەزيدەنت سايلاۋىندا توقاەۆتىڭ 81,31 پايىز داۋىس جيناعانى جانە جاڭا كونستيتۋتسيياعا سايكەس جەتى جىلدىق بىر رەتتىك پرەزيدەنتتىك مەرزىمگە سايلانعانى جازىلعان. ايتا كەتەيىك, قازاقستان اتىنان حالىقارالىق تىزىمگە انشى ديماش قۇدايبەرگەن دە ەندى. ول «ونەر جانە مادەنيەت» ساناتىندا كورسەتىلگەن. The Muslim 500 باسىلىمىندا العاشقى 50 تۇلعا ناقتى ورىندار بويىنشا رەيتينگكە ەنگىزىلەدى. ال قالعان قاتىسۋشىلار 13 تۇرلى ساناتقا بولىنىپ, جەكە رەتتىك ورىنسىز جارييالانادى.