Qazaqstan Prezidenti Qasım-Jomart Toqaev 2027 jılğı älemdegi eñ ıqpaldı 500 mwsılmannıñ qatarına endi. 

Memleket basşısınıñ esimi The Muslim 500 halıqaralıq basılımınıñ «Sayasat» sanatında körsetilgen. Atalğan tizimdi Iordaniyada ornalasqan Korol'dik islam strategiyalıq zertteuler ortalığı (RISSC) jıl sayın jariyalaydı. Basılımğa älemdik sayasat, din, ğılım, biznes, mädeniet jäne basqa da salalarda mwsılman qauımına ıqpal etip jürgen twlğalar engiziledi.

The Muslim 500 avtorları Qasım-Jomart Toqaevtıñ sayasi qızmetine, äsirese 2022 jılğı Qañtar oqiğalarınan keyin bastalğan reformalarına nazar audarğan. Onıñ «Jaña Qazaqstan» bastaması, Konstituciyalıq özgerister jäne memlekettik basqaru jüyesin jañğırtu bağıtındağı jwmıstarı atap ötilgen. Sonday-aq basılımda 2022 jılğı qaraşada ötken kezekten tıs prezident saylauında Toqaevtıñ 81,31 payız dauıs jinağanı jäne jaña Konstituciyağa säykes jeti jıldıq bir rettik prezidenttik merzimge saylanğanı jazılğan. Ayta keteyik, Qazaqstan atınan halıqaralıq tizimge änşi Dimaş Qwdaybergen de endi. Ol «Öner jäne mädeniet» sanatında körsetilgen. The Muslim 500 basılımında alğaşqı 50 twlğa naqtı orındar boyınşa reytingke engiziledi. Al qalğan qatısuşılar 13 türli sanatqa bölinip, jeke rettik orınsız jariyalanadı.