Автор: ADMIN
Тарихи тағылым: ҚР Ұлттық академиялық кітапханасында иллюстративті көрме ашылды
Қазақстан Республикасының Ұлттық академиялық кітапханасында «Тарихтан тағылым» атты иллюстративті кітап көрмесі ашылып, қалың оқырман қауымның назарына ұсынылды.
Бұл дәстүрлі көрме ел тарихында айрықша маңызға ие оқиғалар мен тұлғаларға арналған. Биылғы көрмеге мерейтойлары аталып өтетін тарихи тұлғалардың, ақын-жазушылардың, сондай-ақ қазақтан шыққан белгілі мемлекет және қоғам қайраткерлерінің архивтік құжаттары, фотосуреттері, еңбектері мен құнды шығармалары қойылған.
Көрме мазмұны бес негізгі бөлімнен тұрады:
«Қазақ хандығына 560 жыл»
Көрмеде Қазақ хандығының тарихына арналған 100-ден астам кітап пен мерзімді басылым материалдары ұсынылған.
«Ұлы Жеңіске 80 жыл»
Бұл бөлімде Екінші дүниежүзілік соғыс оқиғаларын баяндайтын құжаттар мен әскери тақырыптағы әдебиеттер қамтылған.
«Қазақстан Республикасының Конституциясына 30 жыл»
Елдің конституциялық құрылымының қалыптасу және даму кезеңдеріне арналған материалдар ұсынылған.
«Қазақстан халқы Ассамблеясына 30 жыл»
Ассамблеяның қоғамдағы рөлі мен бейбітшілік пен келісімді нығайтудағы маңызы жайлы кітаптар мен құжаттар қойылған.
«Тұғыры биік тұлғалар»
Қазақстанның танымал тарихи қайраткерлерінің өмірі мен шығармашылығын баяндайтын 500-ден астам кітап, естеліктер, фотосуреттер мен нақыл сөздер ұсынылған.
Бұл көрме Қазақстанның тарихи мұраларын зерделеп, өскелең ұрпаққа ұлт тарихынан тағылым алуға мүмкіндік береді,деп хабарлайды “Shalqar.kz” интернет порталы.
Басқалармен бөлісе отырыңыз
Пікірлер
Басты жаңалықтар
Қазақстан Республикасының Ұлттық ұлан күні!
Алматы кітапханалары Брайль принтерімен толықты
Соңғы жаңалықтар
Мемлекет басшысы Батыс Қазақстан облысына барды
Ораза кезінде немен айналысқан жөн?
