Автор: ADMIN
Ғұлама ғалым Мекемтас Мырзахметұлы өмірден озды
2025 жылдың 11 қаңтарында қазақ ғылымының көрнекті тұлғасы, филология ғылымдарының докторы, профессор, абайтанушы және бауыржантанушы ғалым Мекемтас Мырзахметұлы дүниеден өтті, деп хабарлайды "Shalqar.kz".
1930 жылы 9 мамырда Түркістан облысы, Түлкібас ауданы, Майтөбе ауылында дүниеге келген Мекемтас Мырзахметұлы 95 жасқа қараған шағында өмірден озды.
Ғалым қазақ әдебиеті мен мәдениетінің терең зерттеушісі ретінде ғылымға зор үлес қосты. Ол 1953 жылы Абай атындағы Қазақ педагогикалық институтының филология факультетін тәмамдап, кейін аспирантурада білімін жалғастырды. Оның ғылым жолындағы алғашқы ірі қадамдарына Бауыржан Момышұлының қолдауы ерекше ықпал етті.
Мекемтас Мырзахметұлы өз ғұмырын Абай шығармашылығы мен философиясын зерттеуге арнады. Абайдың “Толық адам” ілімін жан-жақты талдап, оны жастардың рухани дамуының негізі ретінде қарастырды. Ғалымның Абай туралы он томдық зерттеуі қазақ руханиятына қосылған баға жетпес мұра болып саналады.
Сонымен қатар, ғалым Ясауи ілімі мен Шәкәрімнің “Ар ғылымы” философиялық жүйелерін зерттеп, қазақ мәдениетінің рухани биігіне айналған тұлғалардың еңбектерін насихаттады.
Мекемтас Мырзахметұлы ұзақ жылдар бойы Қазақстанның ғылыми-зерттеу институттарында, жоғары оқу орындарында қызмет атқарды. 1975-1991 жылдары Қазақстан Ғылым Академиясының Әдебиет және өнер институтында Абайтану бөлімін басқарса, кейін Қожа Ахмет Ясауи атындағы Халықаралық қазақ-түрік университетінде кафедра меңгерушісі және ғылыми орталық жетекшісі болды.
Ғалымның жерлеу рәсімі туған жері Түркістан облысы, Түлкібас ауданында өтеді.
Марқұмның отбасына және туған туыстарына қайғырып көңіл айтамыз.
Басқалармен бөлісе отырыңыз
Пікірлер
Басты жаңалықтар
Ұзақ жыл шылым шеккен Дэвид Линч ауыр дерттен қайтыс болды
Соңғы жаңалықтар
Мемлекет басшысы Батыс Қазақстан облысына барды
Ораза кезінде немен айналысқан жөн?
