Мемлекеттік бағдарламалар

Автор: ADMIN

Мемлекеттік бағдарламалар 2025-01-14 15:25:42

Следуй за нами

2025 жылдан бастап 1000 ауыл мектебі «Ауыл мектебі – сапа алаңы» жобасына қосылады

Мемлекет басшысының тапсырмасына сәйкес, ауыл мектептерінің әлеуетін арттыру бойынша елімізде жүйелі жұмыстар жүргізілуде. Қазіргі уақытта «Ауыл мектебі – сапа алаңы» республикалық жобасы іске асырылуда. Бұл жоба әр өңірдің ерекшеліктеріне қарай түрлі бағыттарды қамтиды,деп хабарлайды "Shalqar.kz"

Мысалы:
• Ақтөбе облысында «Цифрлық технологияларды пайдалана отырып шағын жинақталған ауылдық мектептердің әлеуетін дамыту» жобасы;
• Алматы облысында «Жаратылыстану-математикалық бағыттағы пәндер бойынша білім беру сапасын арттыру» бастамасы;
• Маңғыстау облысында «Отпан» тірек мектептерінің желісін дамыту» жобасы;
• Ұлытау облысында «Ustaz Ulytau» бағдарламасы іске асырылуда.

Алғашқы кезең нәтижелері
Жоба аясында мектептердің материалдық-техникалық базасы жаңартылып, заманауи пәндік және цифрлық кабинеттермен жабдықталды. Барлық мектептер жылдамдығы жоғары интернетпен қамтамасыз етілді. Мұғалімдер цифрлық дағдыларды дамыту және кәсіби біліктілігін арттыру мақсатында арнайы курстардан өтті. Оқыту процесін жақсарту үшін шағын жинақты мектептердің техникалық мүмкіндіктеріне қарай төрт түрлі модель әзірленді.

2023 жылғы көрсеткіштер:
• Ақтөбе облысында 12 тірек және 134 шағын жинақты мектеп,
• 11 мыңнан астам оқушы,
• 3,5 мыңға жуық мұғалім жобаға қатысты.

Оған дейін жобаға Ақмола, Қостанай, Павлодар, Батыс Қазақстан және Солтүстік Қазақстан облыстарының 10 тірек және 30 шағын жинақты мектептері қосылған болатын.

2025 жылдан бастап
Жобаға 192 тірек мектеп пен 759 шағын жинақты мектеп қатысады.

Қазақстанда барлығы 8 мың мектеп бар, оның 67%-ы ауылдық, ал 51%-ы шағын жинақты мектептер. Шағын жинақты мектептер негізінен Солтүстік Қазақстан, Қостанай, Ақмола, Павлодар, Батыс Қазақстан және Ақтөбе облыстарында шоғырланған.