Автор: ADMIN
Алматыда Желтоқсан қаһармандары жастармен кездесулер өткізуде
Алматыда Желтоқсан оқиғасының қатысушылары студент жастармен кездесулер өткізуде. Бұл шаралардың мақсаты – жастардың патриоттық сезімдерін нығайту, ұрпақтар сабақтастығын жалғастырып, өзара түсіністікті дамыту, жастардың отансүйгіштік, елжандылық қасиеттерін арттыру.
Кездесуге Алматы қаласындағы 20-ға жуық желтоқсан ұйымдарының өкілдері қатысуда. Олардың қатарында «Желтоқсан ақиқаты», «Патриот-1986», «Ғасыр тарихы. 1986 ж. Желтоқсан», «Желтоқсан жұлдыздары», «Желтоқсан зейнеткерлері», Желтоқсан 1986. Тәуелсіздік», «Өршіл рух» секілді ұйымдарындағы желтоқсан оқиғасының қатысушылары бар.
Кездесулер Алматы мемлекеттік автомобиль құрылысы колледжі, Алматы мемлекеттік туризм және қонақжайлылық индустриясы колледжі, Көлік және коммуникация колледжі, Алматы мемлекеттік бизнес колледжі және Инновациялық колледждер студенттері мен оқытушылары арасында өтті. Желтоқсан оқиғасының қаһармандары жастармен кездесулерде еліміздің тәуелсіздігінің бастауы болған тарихи оқиға туралы естеліктерімен бөлісті.
«Біз жасаған кесте бойынша қаладағы әр ұйымның өкілдерінен құралған 7-8 желтоқсаншы оқу орындарына барып, жастармен кездеседі. Олар жастарға Тәуелсіздік бастауы болған Желтоқсан оқиғасынан сыр шертеді. Желтоқсаншы аға-апаларының рухқа толы әңгімелерінен жастар өздеріне от алып, елжандылық сезімдері еселенуде»,- дейді басқосуды ұйымдастырушы Халықаралық «Жанашыр» қоғамдық қорының басшысы Жаңыл Әпетова.
Кездесу барысында студенттер мен оқытушылар Желтоқсан қаһармандарына сұрақтар қойып, ашық диалог жүргізді.
Сонымен қатар, жастар желтоқсандық аға-апаларына патриоттық рухтағы концерттік бағдарламалар мен арнайы қойылымдар ұйымдастырып қарсы алуда..
Бұл шаралар жастар арасында патриоттық сезімді нығайтып, Желтоқсан оқиғасының қаһармандарына деген құрметті арттыра түсті.
Расында, жастарға серпін берер мүндай кездесулер қажет-ақ. Қазақстанның ең басты құндылығы саналатын Тәуелсіздікке жол ашқан рухы асқақ, тамыры терең Желтоқсан тарихымыздың бөлінбес бөлшегі десек, оның маңызын ұрпақтан ұрпаққа жеткізу бәрімізге бәрімізге парыз.
Шара Алматы қаласы Қоғамдық даму басқармасының қолдауымен "Халықаралық - Жанашыр" қоғамдық қоры жүзеге асырып отырған "Патриоттық рух – басты құндылық" жобасы аясында ұйымдастырылды.
Басқалармен бөлісе отырыңыз
Пікірлер
Басты жаңалықтар
Фильм «Граждане крыши» одержал победу на международном фестивале
Соңғы жаңалықтар
Мемлекет басшысы Батыс Қазақстан облысына барды
Ораза кезінде немен айналысқан жөн?
