ЖАҢАЛЫҚТАР

Автор: ADMIN

ЖАҢАЛЫҚТАР 2024-12-26 05:21:03

Следуй за нами

Ақтаудағы әуе апаты: Әзербайжанда қаралы күн жарияланды

Embraer 190 жолаушылар ұшағының Ақтауда апатқа ұшырауына байланысты 26 желтоқсан Әзербайжанда қаралы күн деп жарияланды,- деп хабарлайды "Shalqar kz" порталы Azertac News Agency-ге сілтеме жасап.

Кеше Azerbaijan Airlines әуе компаниясына тиесілі ұшақ Ақтау маңында апат болды. Ұшақ Бакуден Ресейдің Грозный қаласына бағыт алған. Ақпарат бойынша, бортта 67 жолаушы және 5 экипаж мүшесі болған.

Қазіргі уақытта, Қасым-Жомарт Тоқаевтың тапсырмасымен, Қазақстанда арнайы мемлекеттік комиссия жұмыс істеуде. Комиссияны Премьер-министрдің орынбасары Қанат Бозымбаев басқаруда.

Сонымен қатар, Ақтауға медицина мамандары жіберіліп, зардап шеккендерге барлық қажетті көмек көрсетілуде.Қаза тапқандардың денелері қатты күйіп кеткендіктен олардың жеке басын анықтау үшін бөлек процедура жүргізілуде. 11 зардап шегуші жансақтау бөлімінде.

Қазақстан Республикасының Көлік министрлігінің мәліметі бойынша, ұшақ бортында 37 Әзербайжан, 6 Қазақстан, 3 Қырғызстан және 16 Ресей азаматы болған. Ұшақ апатынан қаза тапқан Қазақстан азаматтарының аты-жөні жарияланды. Олар:

Төлесінов Сәндібек Екібайұлы, 16.11.1988 ж.т., туылған жері: Маңғыстау облысы, Жаңаөзен қаласының тұрғыны.

Жұмағұлов Бауыржан Жұмабайұлы, 30.09.1985 ж.т., туылған жері: Маңғыстау облысы, Жаңаөзен қаласының тұрғыны.

Махсудова Галина Растамбековна, 12.01.1978 ж.т., туылған жері: Маңғыстау облысы, Ақтау қаласының тұрғыны.

Шаймерденова Гаухар Жұмағатқызы, 17.07.1975 ж.т., туылған жері: Алматы қ., Астана қаласының тұрғыны.

Жұмағат Эльдар 23.08.2013 ж.т., Астана қ. тұрғыны.

Джутаева Салима Аманжолқызы, 21.02.1995 ж.т., туылған жері: Қостанай облысы, Қарағанды қаласының тұрғыны.

Қаза тапқандардың отбасы мен туған-туыстарына қайғыра көңіл айтамыз.